"आवश्यकता" हा जीवनाचा न टाळण्याजोगा भाग
त्या देर-सवेर पुर्ण होतातच
काळानुसार कधी ना कधी
त्या पुर्ण होण्यासाठी पळवाट मिळवतातच
खरा प्रश्न हा असतो कि
इच्छांना महत्व द्यावे कि आवश्यकताना??
दोघींचेही एकमेकांशी सख्य
पण नशिबाचा कस लागतो प्रत्यक्षात उतरताना
आवश्यकता कुणाच्याही शेवटी पूर्ण होतातच
त्यात काहीही नवल नसते
पण आवश्यकतांनी इच्छांच रूप घेतल
आणि मग कुणि लक्ष्य मिळवलं तर मात्र नवल असते
आवश्यकता या एखाद्या फकीराच्याही असतात
कशाही तो त्या पूर्ण करतोच करतो !!!
आणि इच्छा या एखाद्या राजाच्याही असतातच
त्या साठी तो गाऱ्हाणे रडतोच रडतो !!!
हाच असेल बहुधा देवानी नेमलेला
नशिबाचा मुख्य कार्यभाग
सगळ्यांना नेहमीच सगळंच मिळाल
तर देवाने शेवटी कुठे घ्यावा सहभाग
-समीर
कोणत्याही टिप्पण्या नाहीत:
टिप्पणी पोस्ट करा